خۆپێشاندانی کوردستانیان دژی هێرشی تورکیا له وڵاتی نۆروێژ

ڕۆژی 27/2/2008 له شاری ئۆسلۆی پایتهختی نۆروێژ خۆپیشاندانێک دژ به هێرشی داگیرکهرانهی تورکیا بۆ باشوری کوردستان به بهشداری کوردستانیانی شاری ئۆسلۆ و دهوروبهری ساز کرا ، ههرچهن خۆپیشاندانهکه لهکاتی دهوامی ئیداری و مهکتهب بوو بهڵام ڕادهیهکی بهرچاو له کوردستانیان دهستیان له کار و خوێندن ههڵگرت و بهشداری خۆپیشاندانهکه بوون .

خۆپیشاندان کاتژمێر 1ی نیوهڕۆ له به دهرکهی وهزارهتی دهرهوهی نۆروێژ به شعاری دژی ئهو هێرشه داگیرکهریهی تورکیا دهستی پێکرد و ناڕهزایی خۆیان دژ بهو هێرشه دهربڕی دوایی داخوازنامهی خۆپیشاندهران له لایهن سێ کچه کوردهوه پێشکهش به وهزارهتی دهرهوهی نؤرويژ کرا . سهعات 1و نیو خۆپیشاندانهکه بهرهو باڵوێزخانهی تورکیا بهڕێ کهوت .

له بهر باڵوێزخانهی تورکیاش جهماوهری خۆپێشاندهر ڕق و توڕهیی خۆیان بهرانبهر بهو داگیرکاریهی تورکیا بۆ ماوهی کاتژمێرێک به دروشمی " هێرشی داگیرکاری تورکیا بێڕێزیه به سهروهری خاکی کوردستان " " تورکیا بۆ دهرهوه له کوردستان" " تورکیا داگیرکهر " دهربڕی . ڕادهیهکی زۆر له ڕێکخراو و لایهنه سیاسیهکان بهشداری ئهو خۆپیشاندانه بوون . ئهندامانی پارتی سهربهخۆیی کوردستان بهشداری چالاکیان له ڕێپێوانهکهدا ههبوو