یونسێف: منداڵانی خۆرههڵاتی ناوهڕاست قوربانیی توندوتیژیو ململانێكانن

(سبهی):
رێكخراوی یونسێفی سهر بهنهتهوه یهكگرتوهكان رایگهیاند: "90%ی منداڵانی خۆرههڵاتی ناوهڕاست بونهته قوربانیی توندوتیژییو ململانێكان".
له راپۆرتێكیدا بهبۆنهی تێپهڕبونی 20ساڵ بهسهر ئیمزاكردنی رێككهوتننامهی مافهكانی منداڵان، رێكخراوهكه بڵاویكردهوه "پتر له90%ی منداڵانی خۆرههڵاتی ناوهڕاست بهدهست توندوتیژی دهرونییو جهستهییهوه دهناڵێنن".
باسی لهوهشكردوه كهجهنگو كارهساته سروشتییهكان رۆڵی گهورهیان گێڕاوه لهخراپكردنی رهوشی ژیانی منداڵانی جیهانو بهرهنگاربونهوهی ههژاریی باشترین رێگایه بۆ باشكردنی رهوشی مافهكانیان.
یونسێف دهڵێت: "نزیكهی 6ملیۆن منداڵ لهعێراق پێویستیان بهكهشی خوێندنی دور لهتوندوتیژیو تیرۆر ههیه".
رونیشیكردهوه كهتوندوتیژی كاریگهریی خراپی لهسهر گهشهكردنی منداڵان ههیهو ئهو منداڵانهی لهكهشی پڕ لهتوندوتیژیدا گهورهدهبن، مهترسیی زۆریان لێدهكرێت دواتر توشی خهمۆكی بنو خۆیان بكوژن.
جێی ئاماژهیه، رۆژی 20ی ئهم مانگه، 20ساڵ بهسهر ئیمزاكردنی رێككهوتننامهی مافهكانی منداڵان تێپهڕی، كه بهڕای چاودێران قوربانیی یهكهمی جهنگو ململانێكانن.