تهقینهوهیهکی گهوره دیاربهکری ههژاند

ئهمڕۆ ئێواره(پێنج شهممه) تهقینهوهیهکی توند له شهقامی سینانی سهربه شارهوانی نوێی دیاربهکر هاته ئاراوه و زانرا که جاری یهکهم 5 کهس گیانیان لهدهست داوهو نزیکهی 65 کهسیش بریندارن.

ههروهها سهرچاوهکانی نهخۆشخانهی دیاربهکر ڕایانگهیاند که لهناو برینداراندا زیاتر له 30 کهس سهربازن و ئهگهری بهرهزبونهوهی ژمارهی کوژراوان له ئارادایه.

ههروهها والی دیاربهکر سهبارهت به ڕوداوهکه لێدوانێکی ڕاگهیاندو گوتی: کاتێک که ئۆتۆمبێلێکی سهربازی خهریکی گواستنهوهی سهربازان بوو کهسانی نهناسراو بۆمبیان له ژێر داناوهتهوهو له لایهن ئۆتۆمبێلێکی دیکه له ڕێگای کۆنترۆل تهقێندراوهتهوه.

ههروهها زانرا 7 سهرباز بههۆی سهختی برینهکانیانهوه بۆ نهخۆشخانهی سهربازی دیاربهکر گواستراونهتهوه و سهرجهم نهخۆشخانهکانی دیاربهکر نهخۆشی ئاسایی دهردهکهن و جێگاکهیان بۆ سهربازانی بریندار چۆڵ دهکهن.

تا ئێستا هیچ لایهنێک ئهو تهقینهوهیهی نهگرتۆته ئهستۆ و شهقامهکانی دیاربهکر پڕه له سهرباز و میت کهس ناتوانێ له ناوچهکه به ئاسانی بجولێتهوه.

وهرگیراو له سایتی ڕینسانس