تهقینهوهیهک له شاری سلێمانی بوه هۆی شههید بوونی 1 کهس و 34 کهسیش بریندار بوو.

سهرله ئێوارهی ڕۆژی 11/03/2008 به هۆی تهقینهوهیهکی گهوره له شاری سلێمانی له بهردهم هوتێلی سلێمانی پاڵاس 1 کهس گیانی لهدهست دا و 34 کهسی دیکهش بریندار بوون . به پێی سهرچاوهکانی ههواڵ تهقینهوهکه ئاکامی کردهوهیهکی خۆکوژی بووه ، که خۆکوژهکه به ئوتومبیلێکی جۆری تاکسی خۆی گهیاندوهته دهرگای یهکهمی هوتێلی سلێمانی پالاس و خۆی تهقاندوهتهوه . شههیدهکه پێشمهرگهیهکی ئاسایشی سلێمانی و پاسهوانی بهر دهرگای هوتێلهکه بووه. پێشتر ڕاگهیندرابوو که بهڕێوهبهری ئاسایشی سلێمانی له نێو بریندارهکاندایه ، بهڵام حهسهن نوری بهڕێوهبهری ئاسایش ئهو ههواڵهی بهدرۆ خستهوه .