ئێران؛ لهمهودوا دهبێت فهرمانبهران سوێند بخۆن

PNA- حکومهتی ئێران یاسایهکی پهسهند کرد که دهبێت ئهو فهرمانبهرانهی له دائیره حکومییهکان دادهمهزرێن، سوێند بخۆن و بهڵێننامهیهکی ئهخلاقیش ئیمزا بکهن.

حکومهتی ئێران رایگهیاندووه، وهزیرانی ئهندامی لێژنهی کاروباری کۆمهڵایهتی، یاسایهکیان دهرکردوو که دهبێت فهرمانبهران له سهرهتای دهست بهکاربوونیان، سوێندنامه و بهڵێننامهی ئهخلاقی ئیمزا بکهن.

فهرمانبهرانی حکومی له ئێران لهمهودوا دهبێت سوێند به قورئان بخۆن که "بایهخه ئاینییهکان، مرۆڤایهتییکان و کۆمهڵایهتییهکان و یاسای دائیرهکان" بپارێزن.

لهم یاسایهدا هاتووه، ئهوانهی له کهمینه ئایینییهکانن، دهتوانن سوێند به کتابی ئایینیی خۆیان بخۆن.

به پێی ئهم یاسایه، ئهو سوێندخواردنه دهتوانێت تاکه کهسی یان به کۆمهڵ بێت و ئهگهر ههر فهرمانبهرێک دوور بخرێتهوه، له دامهزراندنهوهیدا دهبێت جارێکی دیکه سوێند بخواتهوه.

جگه لهم سوێند خواردنه، فهرمانبهران دهبێت بهڵێننامهیهکی ئهخلاقی و ئیداریش ئیمزا بکهن.

لهم بهڵێننامهیهدا هاتووه، فهرمانبهران دهبێت رهچاوی یهکسانی، دهسهڵاتی یاسا له پهیوهندییه ئیدارییهکان، رێز و متمانه، روونی، وهڵام دانهوه، خراپ بهکار نههێنانی پۆستهکهیان، پابهند بوون و وهفاداری بۆ رێکخراو و بهکارهێنان پسپۆڕی، بکهن.