کێشه لهنێوان حکومهتی ههرێم و وهزیری نهوتی عێراق دروست دهبێ

دوای ئهوهی حسێن شههرستانی وهزیری نهوتی عێراق رهخنهی له بۆندهی بواری نهوتی کۆمپانیاکانی دهرهکی و حکومهتی ههرێمی کوردستان گرت و به نایاسایی دانا حکومهتی ههرێم له بهیاننامهیهکدا ناڕهزایی خۆی لهههمبهر وتهکانی شههرستانی دهربڕی و رایگهیاند که " دهمانهوێ ئهوه روون بکهینهوه که لێدوانی شههرستانی به نایاسایی گرێبهستهکانی نهوت و غازی حکومهتی ههرێم به تهواوی رهت دهکهینهوه چونکه لێدوانهکانی یهک ناگرێتهوه له گهڵ ئهوهی حکومهتی ههرێم به شێوهیهکی یاسایی و دهستووری کاری خۆی دهکات ، دهبووا شههرستانی تهماشای ئهوهی بکردایه که چهند ئیجابییانه بهشداری پێشکهوتنی وڵاتهکه دهکهین له باتی کهمکردنهوهی نرخی ئهو کاره گرنگانهی که له بهرژهوهندی ههموو خهڵکی عێراقدان ."

بهیاننامهکه جهخت لهسهر ئهوه دهکاتهوه که پێشووتر داوا له شههرستانی کراوه که لهو شتانه خۆی بهدوور بگرێ که له دهرهوهی دهسهڵاتیدان بهڵام داخباری خۆی پێشانداوه که جارێکی دهیکهش شههرستانی وتهکانی خۆی دوپات کردۆتهوهو گوتویهتی که بۆندهو گرێبهندهکان یاسایی نین!!

دهڵێ " به داخهوه ئهوه مامهڵهی ئهو بووه له گهڵ کارمهنده ماندووهکانی نهوت له باشوور و له حکومهتی ههرێم و ههموو ئهوانهی که خۆشی ناوێن ."

بهیاننامهکه دهڵێ " شههرستانی دهسهڵاتی ئهوهی نیه که پرسیار بخاته سهر ئهو گرێبهستانهی له سایهی یاسای نهوتی ههرێم مۆر دهکرێن که به کۆی دهنگی ئهندامانی پهرلهمانی کوردستان دهرچووه به پێی دهستووری عێراقی ."

ههر لهو بهیاننامهیهد ا هاتووه " پێوسیهت حسێن شههرستانی خهریکی ئهرکی سهرهکی خۆی بێ به رێگرتن له به قاچاخ بردنی ئهو نهوتهی به بهر چاوییهوه دهبرێ و بگهڕێتهوه بۆ پهرلهمان ، ئهگهر ئهمانهی هیچ بۆ ناکرێ باشتره دوور کهوێتهوه له و لێدوانانه و نهوتی عێراق کاری باشتری شایانه ."

ههروهها دهڵێ " داوا له شههرستانی دهکهین که وهڵام بداتهوه کاتێک سهفهری ههندێک وڵاتانی دراوسێی کردووه بۆ چی داوای لێکردوون که سووتهمهنی بۆ کوردستان نهنێرن چونکه ئهوه به بینینی ئهو ( له گهڵ یاسای نهوتی عێراق ناگونجێ ) باشه چ پهیوهندییهک ههیه له نێوان یاسای نهوت و ناردنی سوتهمهنی بۆ حکومهتی ههرێم ئهگهر تهنیا قینێکی تایبهتی نهبێ ."

حکومهتی ههرێمی کوردستان دهڵێ " بهبیری شههرستانی دێنینهوه که ههموو ئهو یاسایانهی سهدام دهری کردبوون له گهڵ دهستووری نوێی فیدراڵی عێراق ناگونجێن و ئهو یاسایانه به دهرچوونی یاسای نهوت و گازی نوێ له کوردستان له کار خراون ، پێدهچێ شههرستانی یاساکانی سهدامی پێی باشتر بێ ، یان رێگا خۆش کات ئهوانهی دژ به یاسای نهوتن کۆنفرانس ببهستن دژی دهستوور باشره پرۆژهی یاسای نهوتی نوێ بێ دهستکاری ببرێته بهردهم پهرلهمان پهسهند بکرێ بهمه ههموو بهشدار دهبین له بووژاندنهوهی پیشهسازی نهوت