سهرۆکی ههرێمی کوردستان: ئهگهر بهدیلی دیکه بۆ مادهی 140 بدۆزرێتهوه کهرکوک دهخهینه سهر کوردستان

مهسعود بارزانی سهرۆکی ههرێمی کوردستان رایگهیاند ، ئهگهر حکومهتی بعێراق ههوڵبدات بهدیلی دیکه بۆ مادهی 140ی دهستوری ههمیشهیی وڵات بدۆزێتهو ، بهدهنگ داواکاریهکهی ئهنجومهنی پارێزگای کهرکوکهوه دهچین و دهیخهینه سهر ههرێمی کوردستان ، ههروهها ڕوداوهکهی خانقینیشی به ههڵهیهکی گهوره وهسف کرد و داواشی کرد پارسهنگی ڕاستهقینهی ئهرک و مافهکان له نێوان بهغدا و ههولێری پایتهختدا ههبێت .

له چاوپێکهوتنێکدا که ئهمڕۆ له ڕۆژنامهی"الشرق الاوسط" بڵاو بوهتهوه سهرۆکی ههرێمی کوردستان ڕایگهیاند که حکومهتی بهغدا " ئیئتلافیه" و ئێمه هاوبهشین لهو حکومهتهدا، بهڵام ههڵسوکهوتوکانی نامۆن، لهگهڵ ئهوهی ئێمه هاوبهشی حکومهتین کهچی له بهغدا ڕۆڵمان نیه ، ههروهها له مهسهله ئهمنی و ئابووری و سهربازیهکاندا هاوبهش و شهریک نین.

بارزانی کوتی : حکومهتی ههرێمی کوردستان له بهغدا ڕۆڵێکی ئهوتۆی نیه ، ههروهها گومانی خۆی له مهڕ ئهو " هاوبهش"یه دهربڕی که حکومهتی عێراقی لهسهر دامهزراوه .
له بارهی بارگرژیهکانی ئهم دواییهی خانقین و ناوجهکانی دهوروبهری سهرۆکی ههرێمڕوونیکردهوه ، ئهوهی له خانقین ڕوویدا ههلهیهکی گهوره بوو ، به جۆرێک خهریک بوو ڕوبهڕوو بوونهوهی نێوان هێزهکانی پێشمهرگه و سوپای عێراقی لێبکهوێتهوه .

له بهشێکی دیکهی لێدوانهکهیدا بارزانی داوای پارسهنگی ماف و ئهرکهکانی نێوان بهغدا و ههولێری پایتهختی کرد .

سهروکی ههرێمی کوردستان ههروهها ئهوهی ڕهتکردهوه که موزایدهی هیچ کهسێک قبوڵ بکرێت و گوتیشی " هیچ کهسێک له بارهی عێراقی بوونمابهوه نمهتنان له سهر نهکات ، چونکه ئێمه لهم وڵاته بووین،پێش ئهوانهی ئێستا خۆیان له ئێمه به عێراقی تر دهزانن و جارێکی دیکهش هاووڵاتی بوونی پله دوو له ءێراق قهبوڵ ناکهین .