ئێران لهبارهی بڵاوبوونهوهی كتێبێك رهخنه لهههرێم دهگرێت

رووداونێت-ئاژانسهكان

ئێران لهههمبهر چاپکردنی کتێبی ئایاتی شهیتانی بهزمانی کوردی و بڵاوبوونهوهی لهگۆڤاری خهڵکدا ناڕهزایهتی بهرامبهر ههرێمی كوردستان دهربڕی.
ماڵپهری تابناک که ماڵپهرێکی سهر بهسوپای پاسدارانی ئێرانه، لهبهرامبهر وهرگێڕانی کتێبی ئایاتی شهیتانی كه دانراوی سهلمان روشدیه و بڵاوكردنهوهی چهند بهشێكی لهگۆڤاری "خهڵک" لهسلێمانی، رهخنهی لهیهکێتی نیشتمانی كوردستان و دهزگای راگهیاندنی ئهو حزبه گرت.
گۆڤاری خهڵک گۆڤارێکی نزیک لهیهکێتی نیشتمانی کوردستانه لهسلێمانی دهردهچێت، لهژمارهی 17یدا چهند بهشێكی کتێبی ئایاتی شهیتانی نووسهری لهدین وهرگهڕاو و بهرهچهڵهک هیندی و دانیشتووی بهریتانیا بهزمانی کوردی چاپ و بڵاو کردووهتهوه.
ماڵپهڕهكه هۆشداری داوهته یهکێتی نیشتمانی بهوهی ئهو کارهیان کاریگهری لهسهر دهنگی دهنگدهران بۆ ههڵبژاردنی 7/3 دهبێت.
لهههواڵهكهدا ئاماژه بهدۆخی سیاسی ناو یهكێتی نیشتمانی كردووه و نووسیویهتی "یهکێتی نیشتمانی دوای ئهو شکسته قورسهی لهبهرامبهر گۆڕاندا لهههڵبژاردنی رابڕدوو خواردی، بهنیاز بوو قهرهبووی بکاتهوه، بهڵام بڵاوکردنهوهی ئهو کتێبه لهشوێنێک که 95% دانیشتووانی موسڵمانن، کاریگهری نێگهتیڤی دهبێت و خهڵک لهدهنگدان بهوهها لایهنێک خۆیان دهپارێزن".
دوای چاپبوونی کتێبی ئایاتی شهیتانی، ئیمام خومهینی رابهری کۆچکردووی ئێران لهساڵی 1988 فهتوای کوشتنی سهلمان روشدی دهرکرد.

ماڵهوه