مهحمود عوسمان :چارهسهركردنی كێشهی كهركوك و ناوچه دابڕاوهكان قورس و دژواربوه

(سبهی):
دكتۆر مهحمود عوسمان ئهندامی ئهنجومهنی نوێنهرانی عێراق لهسهر لیستی هاوپهیمانی كوردستان رایگهیاند: چارهسهركردنی كێشهی كهركوك له ئێستادا قورس و دژوار بوه و پێویستی به ههوڵ و ماندوبونی زۆر و یهكڕیزی و یهكههڵوێستی ههیه.
له لێدوانێكیدا بۆ سایتی سبهی، مهحمود عوسمان رونیكردهوه: بهرنامه و كاركردنی سهركردایهتی كورد له رابردودا بۆ گهڕانهوهی كهركوك و ناوچه دابڕاوهكان، بهرنامهیهكی جددی و رێكوپێك نهبوه و ههڵه و كهموكوڕیی زۆریان ههبوه، كه ئهمهش زیاتر خۆی بینیوهتهوه لهكاركردنیان لهپێناوی بههێزكردنی پێگهی حیزبییان و ئیدارهیهكی حیزبی نهك بهرنامهیهكی رێكوپێكی نهتهوهیی.
وتیشی: یهكێك لهههڵه و كهموكوڕییهكان، یارمهتی نهدان و كارنهكردن بو بۆ گهڕانهوهی ئاوارهكانی  ئهو ناوچانه به كۆمهك و خهرجكردن و پشتیوانیكردنێكی زۆر بهشێوهیهكی ماددی و مهعنهوی و دروستكردنی پرۆژهی خزمهتگوزاری و حكومی بۆیان.
تهئكیدیشیكردهوه كه دهبوایه مامهڵه و كاركردنی سهركردایهتی كورد لهگهڵ عهرهب و توركمانهكان زۆر سیاسیانهتر و مهنتیقیانه بوایه و بیانتوانیایه بۆ بهرژهوهندی كورد به كاریان بهێنن، بهو جۆرهش چارهسهری كهركوك و ناوچه دابڕاوهكان ئاسانتر دهبون،  نهك كێشهكه بهو شێوهیهی ئێستا قورس بوایه و چارهسهری گران بوایه.

هۆگر عومهر