وهزیری دهرهوهی فهرهنسا بۆ وتووێژ له قهیرانهكانی ئێران سهردانی واشنتن دهکات

بهپێی ههواڵی (ئاژانسی فرانس پرێس) برنار كۆشنێر وهزیری دهرهوهی فهرهنسا له سهردانێک دا بۆ گفتوگۆكردن لهسهر قهیرانهكانی ئێران دهگاته ئهمهریــــــــــكا و بڕیار وایه لهو سهردانه دا چاوی به گهوره بهرپرسانی ئهو وڵاته بكهوێت و دواتر له كارهكانی كۆمهڵهی گشتی نهتهوه یهكگرتوهكان ئامادهبێت ، بڕیاره ئهمڕۆ چاوی به (رۆبهرت گێتس) وهزیری بهرگری ئهمهریكا و رۆژی (ههینی)یش له كۆشكی سپی چاوی به (ستیڤن هادلی) راوێژكاری ئاســـــــــــایشی نهتهوهیی بكهوێت و دواتریش چاوی به (كۆندالیزا رایس) وهزیری دهرهوهی ئهمهریكا بكهوێت . سهرچاوهكه ئاشكرایكرد ، ههر ئهمڕۆ بڕیار وایه سهردانی بهرپرسی رێكخراوی یههودییهكانی ئهمهریكا بكات و لهگهڵ (تۆم لانتۆس) سهرۆكی لێژنهی كاروباری دهرهوه له ئهنجومهنی نوێنهرانی دیمــــــــــــــــــــــــوكرات و چهند بهپرسێكی دیكهی ئهنجومهنی پێران له كۆنگرێس وتووێژ بكات . سهرچاوهكه ئهوهشی راگهیاند، بڕیاره كۆشنێر وتارێك له پهیمانگای تۆژینهوهی نێو دهوڵهتی پێشـــــــــكهش بكات و چاوی به نوێنهرانی پهیمانگای تۆژینهوهكانی ئهمهریكا بكهوێت. ههروهها سهرچاوهكه ئاماژهیــــــــــــدا، دوای سهردانی بۆ واشنتن وهزیری دهرهوهی فهرهنسا ئامادهی كارهكـــــــــــانی كۆمهڵهی نهتهوه یهكگرتوهكات دهبێت و جگه له بارودۆخی ناوچهكانی كۆسۆفۆ و عێراق، ئهو بابهتانهی كۆشنێر گرنگی پێدهدات بابهتی ههرێمی (دارفۆر)ـه.