له تورکیا بۆ یهکهم جار کونفرانسێک به ناوی کوردهوه ساز کرا

ئهم کونفرانسه بۆ یهکهم جار له تورکیا به ناوی کوردهکان له شاری ( دیاربهکر)ی باکوری کوردستـــــان به سهرپهرشتــــــی شارهوانی دیاربهکر و کۆمهڵهی (هاندریک بۆک)که کۆمهڵهیهکی بواری ڕۆشنبیــــری و سیاسیه ساز کرا . تهوهره سهرهکیهکانی کونفرانسهکه چارهسهر کردنی کێشــــــــهی چهکدارای پارتی کرێکارانی کوردستان و ههڕهشه سهربازیهکانی دهوڵهتی تورکیا بۆ سهر ههرێمی کوردستان بو و جهخت له سهر ئهوهش کرایهوه که هێــــرشی سهربازی تورکیا بۆ سهر ههرێمی کوردستان هیچ سودێکی بۆ بهرهنگار بوونهوهی تیرۆر نیه .

به پێی ئاژانسه ههواڵیهکانی تورکیا ، ئهم کونفرانسه بۆ یهکهم جار له تورکیا به ناوی کورد ساز کراوه و به ڕادهیـــــهکی زۆر خهڵکی ڕۆشنبیری ناسراو و بهناوبانگی ناو تورکیا و دهوروبهری بهشداریان تێدا کردوه که ژمارهیان دهگهیشته 500 کهس .

کونفــــــرانسهکه دوێنێ 29/9/2007 دهستــــی به کارهکــــانی کـــــرد و ماوهی دوو ڕۆژ دهخایهنێت . له یهکهمین ڕۆژی کارهکانیدا کونفرانسهکه جهختی له سهر چارهسهر کردنی کێشـــــــــهی پارتی کرێکارانی کوردستــــــــــــان کردهوه و میکانیزمی چۆنیهتی چاهرسهر کردنی کێشــــــــــــــــهکهی خسته بهر باس و لێکۆڵینهوه . ههروهها بیروڕای زۆرینهی بهشداربوانی کونفرانسهکه ئهوهیه که پ ک ک چهک دابنێت و بهشداری له پرۆسهی سیاسی دا بکات . بهڵام تورکیاش پێویسته بۆ ئهم مهبهسته لێبووردنێکی گشتی بۆ ههمو چهکدارانی پ ک ک دهربکات .

له بهشێکی دیکهی کونفرانسهکه دا جاخت له سهر ئهوه کرایهوه که ههر کاتێک دهوڵهتی تورکیا مشتومڕ لهسهر کێشهی کورد دهکات ،دهبێت ههرێمی کوردستانی عێراق له بهر چاو بگرێت ، چونکه ههڕهشه سهربازیهکانی تورکیا بۆ سهر ههرێمی کوردستان هێچ سودێکی بۆ بهرنگار بوونهوهی تیرۆر نیه .

جێگای ئاماژهیه بریاره ئهمڕۆ له دووهم ڕۆژی کونفرانسی کورد له شاری دیاربهکر (مایکل گۆنتار) مامۆستا له (زانکۆی تهکنیکی تهنهسی)ی ولایهته یهکگرتوهکانی یهمریکا وتارێک پێشکهش دهکات .