دهیان ههزار له خهڵکی کهرکوک دژی یاسای ههڵبژاردنی پارێزگاکان خۆپیشاندانیان کرد

دژی یاسای ههڵبژاردنی ئهنجومهنی پارێزگاكان، سهرلهبهیانی ئهمرۆ دووشهممه، بهدهیان ههزار هاوڵاتی شاری كهركوك رژانه سهر شهقامهكانو خۆپیشاندانیان دهستپێكرد.
ئهم خۆپیشاندانه كه پێشتر لهلایهن حزبهكوردستانییهكانهوه ئامادهكاری بۆ كرابوو، لهسهرجهم گوندو قهزاو ناحییهكانی شاری كهركوكهوه هاوڵاتیان تیایدا بهشدارییان كردووه.
پهیامنێری سایتی ئاوێنه لهنێو خۆیشاندانهكهوه ئاماژهی بۆ ئهوهكرد، بێجگه لهئاڵای كوردستانو لافیتهی سپی هیچ جۆره لافیتهیهكی تری رهنگاو رهنگ لهنێو خۆپیشاندانهكهدا نابینرێ، ئهمه بهپێچهوانهی خۆپیشاندانهكانی ترهوه كه زۆرینهی لافیتهكان سهوزو زهرد بوون كه مۆركی ههردوو حیزبه دهسهڵاتهكهی پێوه دیار بێت.

وهرگیراو له . سایتی ئاواینه