له ڕۆژنامهی "یۆتۆبۆری پۆسستن"ی سویدیهوه

مسته یاغی و دڕندهیهک به سهر ئێران دا حکوم دهکهن

ڕۆژنامهی سویدی *یۆتۆبۆریپۆستن*ی سویدی له سهروتاری ڕۆژی دووشهممهی خۆیدا له ژێر سهردێڕی "جێگایهک که تاوانباران حاکمن" ڕهخنه له کۆمهڵی جیهانی دهگرێت که له بهرانبهر کارهساتێک که له ئێراندا دهگوزهرێ بێدهنگن و دهنوسێ : مرۆڤ خوو به ههموو شت دهگرێ. بۆ نمونه خوو بهوهی دهگری که ئێران له لایهن مسته یاغی و وهحشیهک ، بهڕێوه دهچی.

ئهو ڕۆژنامهیه دهنوسی که ڕادیۆی دهوڵهتی ئێران ڕۆژی یهکشهممهی ڕابردوو ڕایگهیاند که دوازده کهس هاوکات له سێداره دراون . لهوانهیه له فیکری خۆدا وای لێکبدهنهوه که کونێک له ژێر پای کابرای ئیعدامی دهکرێتهوه پاشان دهگهڵ کشانهوهی پهتی سێدارهکه ،مۆرهی ملی کابرای مهحکوم دهشکێ و دهردهم دهمرێ.بهڵام وهنیه ،له ئێران ، قوربانیهکانی خۆیان خهفهخنکێن دهکهن . ئیعدامیهکانی خۆیان به جهڕسهقیل له سێداره دهدهن و به عهزاب دهیانکوژن .

یۆتۆبۆری پۆستن نوسیویهتی که تێگهیشتن لهو بابهته هاسان نیه بهڵام له ماڵپهڕی ئینتهرنهتیدا، فیلمێک که به دزی له سێداره درانێک ههڵگیراوه ،ههیه که دوو پیاو و ژنێک که تهنافێکیان له دهوری ملی پێچراوه و به هۆی جهڕوسهقیلهوه دهکێشرێنه سهرهوه ، دوو پیاوی ئیعدامی به زوویی بێهۆش دهبن . بهڵام ژنهی بێچاره له سهر داری سێداره دهست و پێ دهکوتێ.

ڕۆژنامهکه دونووسێ :

پێت وانهبێ ئهو وهزعه دهبێته هۆی شهرمهزاری سهرانی ڕژیمی تاران ، لهوانه ئهحمهدی نژاد و خامنهیی . بهپێچهوانهوه کوشتن و ئیعدامی خهڵکی له بهرچاوی خهڵک بهو شێوه وهحشیانه ، بهشێکه له سیاسهتی ئهوان . ئهو تاوانبارانه لهو ڕێگایهوه دهیانهوی به خهڵک بڵێن ،ئهگهر بێتو گوێڕایهڵ نهبن ، چ چارهنووس و سهرهنجامێک چاوهڕێیانه.

یۆتۆبۆری پۆستن دهنوسی : هێنانه پێش چاوی ههلومهرج له ئێران له ژێر حاکمیهتی مهلایاندا، زۆرترسناکه. بۆ نموونه ئهگهر کهسێک پێوهندیهکیله چوارچێوهی ژن و مێردایهتی بهدهر ههبێ، دهکرێ حوکمی سهنگهساریله سهر بدرێ. لهو وڵاتهدا ،ژنان به توندی سهرکهت دهکرێن ، منداڵیش ئیعدام دهکرێن، خۆپیشاندانی به ئاشتیانه قهدهغهیه ، خوێندکاران و ڕۆژنامهنووسان له سیاچاڵهکاندا به دڕندانهترین شێواز ئهشکهنجه دهدرێن .