شکۆدار و پڕ ڕێبوار بێت ڕێگای ئەزموونداری پارتی کۆمەڵگای دیموکراتیی، د.ت.پ

هەروەکو چاوهڕوان دەکرا، بە داخەوە، ئەمڕۆ ١١/٥/٢٠٠٩ دادگای باڵای تورک بە سەرۆکایەتی هاشم کلیج، بە پێی ڕاگەیاندنی ڕەسمیی دادگا و ئەوەش بە پێی ماددەی دەستووریی ١٠١ – ١٠٣ و بە کۆی تەواوی دەنگەکان، بڕیاری داخستنی پارتی کۆمەڵگای دیموکراتیی، د.ت.پ یان داوه، و هەروەها لێستاندنەوەی پلەی پارلەمانتاربوونی لە بەڕێز ئەحمەد تورک و ئایسهڵ توغلوک درا. هەروەها لەو بریارەدا هاتووە کە ژمارەیەکی بەرچاو لە شارەدار، پارلەمێنتار و سیاسەتمەدار بۆیان نەبێت جارێکی دیکە ڕێکخراوەی سیاسیی دابمەزرێنن .هاشم کلیج لە ڕاگەیاندنەکەی خۆیدا گوتی: لە مێژە ڕای گشتی تورک و میللەتی تورک تەحەمولی ئەم پارتیە دەکەن و بووە بە ناوەندی فیتنە و ئیتر ماوە نەماوە لەوە زیاتر ڕێگایان پێ بدرێت.

ئاشکرایە ئەم کارەی دەوڵەتی تورک بەشیکە لە سیاسەتی داگیرکەریی چونکە لە ڕێگای داخستن و لێستاندنەوەی پارلەمێنتاریبوونەوە لە بەڕێزان ئەحمەد تورک و ئایسهڵ توغلوک ئەوا ژمارەی پارلەمێنتارانی د.ت.پ دهگهیهنێته ١٩ کەس و بەو شێوەیە مەرجی بەشدداربوون لە پارلەماندا لە دەست دەدەن.

ئێمه ئهم بڕیاره به تهرفهندێکی سیاسی دهنرخێنین و چوارچێوهیهکی یاسایی نیه و پێمان وایە ئەمە وەلامی ئاسایی داگیرکەرە بە خەباتی مەدەنیی و سیاسیی، بەڵام لەگەڵ ئەوەشدا دەزانین کە گەلی ئێمە لە باکووری کوردستان بە هەزاران کادێر و سیاسەتمەداری لێهاتووی تێدایە کە لە زوترین کاتدا درێژە بە خەباتی ئازادیخوازیی خۆیان دەدەن

ئێمە دەست لە ناو دەستی هاوڕێیانی تێکۆشەریکوردستانیی د.ت.پ دا لە خەبات و کاریاندا بەشدارین و سوپاسی هاورییانەی خۆمان بەۆ ئەو بەشە لە خەبات دەردەبڕین و دڵسۆزانە پێیان رادەگەیەنین کە هاوری و هاوسەنگەریی خەباتی ئەوان بووین و دەبین.

هەروەها دابونەریت و ڕەفتاری داگیرکەریی وشۆوێنیستانهی داگیرکەری تورک لە کوردستان شەرمەزار دەکەین و پێیان دەڵێین کە گەلی کورد لە باکووری وڵات نەک هەر لاوازتر بەڵکو زۆر بەهێزتر و سەربەرزتر و ڕق ئەستورتر ددرێژە بە خەباتی سیاسیی و مەدەنیی و شێوەکانی دیکەی خەبات دەدات.

پارتی سەربەخۆیی کوردستان

پارتی سۆسیال دیموکراتی کوردستان(ڕۆژهەڵات(

پلاتفۆرمی نهتهوهیی بۆ رۆژههڵاتی کوردستان

کۆمەڵەی زەحمەتکێشانی کوردستان/ سوێد

پژاک (پارتی ژیانی ئازادی کوردستان)

ڕێکخراوی خەباتی شۆڕشگێڕی کوردستان

بزووتنەوەی دیموکراتیکی یارسان

کۆمەڵەی مافی مرۆڤی کورد- ئوروپا

کۆمهلهی شۆڕشگێڕی زهحمهتکێشان(ڕهوتی ێهکگرتنهوه)

١١/١٢/٢٠٠٩