بریاری ئیعدامی عهدنان حهسهنپوور و هیوا بوتیمار مهحکوم دهکهین

خهڵکی کۆڵنهدهر و ڕزگاریخوازی کوردستان

ڕێکخراوی مافی مرۆڤی نێودهوڵهتی

ڕێکخراوی ڕۆژنامهنووسانی بێ سنور

ئهنجومهنی ئاسایشی ڕێکخراوی نهتهوهیهکگرتووهکان

وهک ئاگادارن لهو ڕۆژهوه که ڕژیمی سهرهڕۆو دواکهوتووی کۆماری ئیسلامی دامهزراوه تا ئێستا، هیچ کات و ساتێک نهبووه که به بیانووی پڕوپووچ پهلاماری ڕوناکبیران و ڕزگاریخوازانی گهلهکهمان نهدات.

ههڵسوکهوتی دهسهڵاتدارانی کۆماری ئیسلامی لهگهڵ ئازادیخوازانی گهلانی بندهست (عهرهب ،بهلوچ، ئازهری و تورکهمهن) بهتایبهت کورد لهگهڵ هیچ یاساو پرهنسیپێکی کۆمهڵهی مافی مرۆڤ و یاساکانی نێونهتهوهیی ناگونجێ . به بهرچاوی کۆمهڵهی مافی مرۆڤ به ئاشکرا ، ئهشکهنجه و ئازار ، زیندانی و ئیعدام ، کوشت و بڕ ، سهنگسار کردنی ژنان به شێوهی (سهردهمی بهردینه) سهپاندنی تاوان به سهر بێتاوانان، ههڵواسین و گولهبارانکردنی ڕوناکبیران و خوێندکارانی ئێرانی و غهیری ئێرانی بۆته کاری ڕۆژانهی ئهم حکومهته پاشوهڕۆیه .

بهدهگمهن بیستراوه که کاربهدهستانی کۆماری ئیسلامی تاوانبارێکی ڕاستهقینه ڕاپێچی دادگا بکهن و حوکمی به سهردا بسهپێنن . رژیم گوڵبژێری ڕۆڵهکانی گهلهکهمان دهکات،کوڕان و کچانی لێهاتوو و کۆڵنهدهر و ڕزگاریخوازی کوردی کردوهته ئامانج بۆ تیرۆر و ئیعدام . ئاخر به پێوانهی ئهوان تاوانبار، بێتاوان و خاوهن بیر و هۆش وههست تاوانباره.

له ڕژیمێکدا که ڕهشپۆشی و ماتهم ،شین و گریان ، کفن و گۆڕستان، سێداره و گوله باران ، تیرۆر و سهنگهسار ، ترس و ههڕهشه ، تریاک و هیرۆیین و سهدان دیاردهی دیکه لهم بابهته بۆته پێناسهی ، چاوهڕوانی هیچ کهرامهتێکی ئینسانی و هیچ ههڵسوکهوتێکی مۆدێڕن لهم ئیمامزادهیه ناکرێت.

کۆماری ئیسلامی ماوهیهکه له ژێر پهرده و ههڵا و بگری چهکی ناوهکی و پیتاندنی یورانیۆم بیروڕای گشتیی دنیای خافڵاندوه.له ناوهوه (( شهلم کوێرم کهس نابوێرم)) دهستی بۆ زهخت و زوڵمی و زۆری زیاتر ، هێرش بۆ سهر خوێندکاران و ڕوناکبیرانی نهتهوهکانی بندهستی ئێران بهتایبهت نهتهوهی کورد ئاواڵهتر بووه . ئهوهی دهنگی (نا) ههڵبڕێ یان سازی به گوێێ ئهوان ناساز بێت سزای زیندان و ئیعدامه .

بێدهنگی له ئاست ئهم ڕژیمه تۆتالیتێره تاوانه .

پارتی سهربهخۆیی کوردستان لهگهڵ ئهوهی بریاری نا عادلانهی ئیعدامی عهدنان حهسهنپور و هیوا بوتیمار ڕۆژنامهنووس و چالاکوانی بواری کۆمهڵایهتی، له لایهن دادگای سنهوه مهحکوم دهکات، داوا له ڕێکخراوی چاودێری مافی مرۆڤ دهکات که دهنگی ناڕهزایی خۆی ههڵبڕیێ و داوای ههڵوهشانهوهی بریاری ئیعدامی ئهم دوو تێکۆشهره کورده بکات . ئێمه دهنگمان دهخهینه پاڵ ههموو ئهو دهنگانه که دژی ئیعدامن .

پارتی سهربهخۆیی له ههمو گهلانی سهربهخۆییخوازی بندهستی ئێران داوا دهکات بۆ گهیشتن به مافی ڕزگاری یهکجاری دهنگتان یهکخهن و یار و یاریدهدهری یهکتر بن .

پارتی سهربهخۆیی کوردستان