بهڵگهنامهی كۆنگرهی چوارهم

كۆنگره، پارلمانی كوردستان وحكومهتی ههرێمی كوردستان، له ههلومهرجی ئهوڕۆدا بهدهسكهوتی گرینگی نهتهویی دانا، پارێزگاری و بهرگری لهو دهسكهوتانهشی بهئهركی گرینگی وڵاتپارێزی و كوردایهتی قهبڵاند.

لهو رووانگهیهرا كه ههم پارلمانی كوردستان و ههم حكومهتی ههرێمی كوردستان سازی و دهستگای نهتهوهیین و دهبێ له ڕاستای بهرژهوهندیه كوردستانیهكان و گهشهو نهشهی كوردهواریدا ههڵسوكهوتیان ههبێ، پێوسته :

* ههم پارلمان و ههم حكومهتی ههرێم، مرۆڤ دۆستانه و كوردپهروهرانه دهگهڵ دیاردهی وهحشیانهی ژن كوشتن لهژێر پهردهی "ناموس پارێزی" له باشوری كوردستاندا ههڵسوكهوت بكهن، لێبڕاوانه روو به ڕوو بهرهنگاری ببنهوه. له رێگهی قانون گوزاری و ههم بهشێوازه جیاوازهكانی دیكهی ئهركی بهڕێوهبهرایهتی كۆمهڵگه، بهربهستی لهو دیارده وه حشیانه بكهن.

ژن، له كۆمهڵگهی كوردهواری ئێمهشدا، وهك ههركۆمهڵگهیهكی دیكهی مرۆڤایهتی، دایكه، دایكیش بهشی ههره زۆر له ژێرخانی بوون و پێشكهوتنی كۆمهڵ و كهرامهتی نهتهوهیی له سهرشانانه.

دیارده و تاوانی دزێو و نامرۆڤانهی ژن كوشتن به بیانۆی ناموسپارێزی، دهبێ لهرهگوریشهوه بنهبڕبكرێن. لهو پڕۆسهدا، دهسهڵاتی سیاسی كوردستان له سهریهك، بهشی ههره زۆرو گرینگی بهرپرسیایهتیان له ئهستۆیه.

* تیرۆر و رهشهكوژی، به چهشنێكی بهربڵاو، جیهانی مرۆڤایهتی وهبهر تهوژمی ئینسانخۆری خۆی داوه و له پێناو جیهانگیركردنی ئیدهئۆلۆژی فوندامێنتالیستی پاشكهوتوو، نه مرۆڤایهتی و نه سروشت دهپارێزێ. كوردستانیش وهك زۆرجێگهی دیكهی جیهان، به تایبهتی رۆژههڵاتی ناوین، سێبهر و مهترسی سهدهمهی تیرۆری لهسهره. بهرهنگار بوونهوهی بوێرانه و سهركوتكردنی ههر چهشنه جموجۆڵێكی تیرۆریستی و فۆندامێنتالیستی له كوردهواریدا، له ئهركه پێویستیهكانی دهستهڵاتداریهتی كوردستانه.

* دهستكهوتهكانی باشووری كوردستان، بهرژهوهندی نهتهوهیین. پارێزگاری لهو دهسكهوتانه، ئهركی ههر كوردێكی وڵاتپارێز و نیشتمانپهروهره . ههر بهو پێیه ئهركه بۆ دهستهڵاتی سیاسی باشووری كوردستان كه گیان و دهرهتانی ژیانی كوردی بهشهكانی دیكهی كوردستان له باشوور بپارێزێ. ههر وهك پێویسته له روانگهی ستراتێژێیكی قایم و پتهوی نهتهڤایهتیهوه، كار و خهباتی هێزه سیاسیهكانی پارچهكانی دیكهی كوردستان، له چوارچێوهی قازانج و بهرژهوهندی باشووری كوردستان، رێگه و یارمهتی دهستهڵاتی سیاسی كوردستانیان له پشت بێ.

* بهجێگهیاندنی ماددهی 140ی یاسای بنهڕهتی ئێراق، وهسهریهكخستنهوهی كهركوك و باقی شار و شارۆچكه و ناوچه دابڕاوهكان له ههرێمی كوردستان بگهڕێنهوه سهر حكومهتی ههرێم و ههر به گوێرهی ماددهی ناوبراو، ئهركی نیشتیمانیی دهستهڵاتی گشتی كوردستانه.

ههر وهدواخستنێكی به ئهنجام گهیاندنی مادهی 140ی یاساكه، به ههر دهلیل و بهڵگهیهك بێ، ئهو وهسهریهكخستنهوهیه بۆ سهرحكومهتی ههرێم و باوهشی كوردستان، دهخاته هات و نههاتهوه، بۆیه جێبهجێ كردنی ماددهی 140ی یاسای بنهڕهتی ئێراق له كات و زهمانی دیاریكراوی خۆیدا، پێویستییهكی مێژوویی سهرشانی دهستهڵاتی سیاسی كوردستانه .

پارتی سهربهخۆیی كوردستان

22.07.2007