کوردستانی - ئهردۆگان: چارهسهرنهكردنی پرسی كورد واته درێژهدان به ستهم و تاوان و زهوتكردنی مافهكان

PNA - سهرۆك وهزیرانی توركیا رهجهب تهیب ئهردۆگان رایگهیاند، " بهردهوامبوونی كێشهی كورد واته بهردهوامیدان به كوشتن و ستهمكاریی و تێكدان و زهوتكردنی مافهكان".

ئهو وتانهی ئهردۆگان له ناوهرِۆكی ئهو وتارهدا هاتبوون، كه دوێنێ سهرۆك وهزیران له كۆبوونهوهی لهگهڵ سهرۆكی شارهوانییهكانی توركیا پێشكهشیكرد.
سهرۆك وهزیرانی توركیا بۆ سهرۆكی شارهوانییهكان باسی له ئامانج و مهبهستهكانی حكومهتهكهی كرد، له پرۆسهی كرانهوه به رووی كورد و ههنگاونان بۆ چارهسهركردنی ریشهییانهی ئهو پرسه ههستیارهی توركیا و جهختی زۆری لهسهر ئهوه كردهوه كه حكومهتهكهی راستگۆیانه و به ئیمانێكی پتهوهوه كار بۆ چارهسهركردنی ئهو پرسه دهكات.

ئهردۆگان رهخنهی له پارته نهتهوهپهرستهكانی توركیا گرت و گوتی ئهوان تهنها بۆ بهرههڵستكاربوون رهخنهدهگرن و  وتهكانییان جگه له نارِهوایهتی هیچی دیكهیان تێدا نییه.

سهرۆك وهزیران داوای له باوكان و دایكان كرد، رێگه نهدهن منداڵهكانییان سهیری ململانێ و شهرِه قسهی پهرلهمانتارانی سهر به پارته نهتهوهپهرسته عهلمانییهكانی توركیا بكهن بۆ ئهوهی تووشی گهندهڵی لۆژیك و ژیریی نهبن.

سهرۆك وهزیرانی توركیا و ئهندازیاری پرۆسهی كرانهوه به رووی كورددا رهجهب تهیب ئهردۆگان داوای له گهلی توركیا و تهواوی پارت و لایهنه سیاسیی و كۆمهڵه و رێكخراوهكان كرد، هاوكاری حكومهتهكهی بكهن له چاهسهركردنی پرسی كورد به تایبهتی لهم دهرفهته مێژووییهدا كه به رای ئهردۆگان "دووباره نابێتهوه".